Cavab: Təkrar əkin subsidiyası fermerlərə eyni sahə üçün bir ildə 2 dəfə əkin subsidiyası almağa imkan verən dəstək mexanizmidir. Payızlıq əkin aparan fermer, məhsulunu topladıqdan sonra yay ayları ərzində apardığı ikinci əkini EKTİS-də bəyan edərək, təkrar əkin subsidiyası almaq imkanı əldə edir.
Sual: Təkrar əkin hansı bitkilərdən ibarət olmalıdır? Cavab: Günəbaxan, qarğıdalı, soya, darı, sorqo, çəltik, kartof bitkilərindən biri və ya bir neçəsi əkilərsə fermer təkrar əkin subsidiyası almaq üçün müraciət edə bilər.
Sual: Təkrar əkin subsidiya məbləği nə qədərdir?
Cavab: Təkrar əkinlərə görə verilən subsidiyaların məbləği Aqrar Subsidiya Şurasının qəbul etdiyi əmsallara görə hesablanır. Hazırda bu məbləğ 100 AZN-dır.
Sual: Təkrar əkin üçün nə vaxt və hara müraciət etməliyəm?
Cavab: Təkrar əkin aparan şəxs 1 iyun – 31 avqust tarixləri arasında bəyanını EKTİS-ə daxil etməlidir. Bunu şəxs www.eagro.gov.az saytına daxil olaraq fermer kabinetindən bilavasitə özü həyata keçirə və ya DAİM, habelə “ASAN xidmət” mərkəzlərinin yardımı ilə edə bilər.
Sual: Müraciət müddəti bitərsə nə baş verəcək? Cavab: 1 iyun-31 avqust arasında müraciət edilməzsə təkrar əkin subsidiyası verilməyəcək.
Sual: Təkrar əkini müxtəlif ərazilərdə bəyan edə bilərəmmi Cavab: Xeyr, təkrar əkin ilk əkin aparılan əraziyə bəyan edilməli və EKTİS-də xəritə üzərində ərazi çəkilməlidir. Bunu bilavasitə apara bilməyən fermerlər DAİM-lərdən kömək istəyə bilərlər.
Sual: Təkrar əkin subsidiya ödənişləri nə vaxt aparılacaq? Cavab: Müraciətlər toplandıqdan və monitorinqlər aparıldıqdan sonra sentyabr ayından başlayaraq ödənişlər həyata keçiriləcək.
Sual: Təkrar əkin subsidiyası necə ödəniləcək? Cavab: Təkrar əkin subsidiyası fermer kartına köçürüləcək.
Sual: Təkrar əkin subsidiyasını nağdlaşdıraraq istifadə edə bilərəmmi? Cavab: :Təkrar əkin subsidiyası əkin subsidiyası kateqoriyasında olduğu üçün 25% -i nağdlaşdırılaraq istifadə edilir, 75%-i əkin üçün kənd təsərrüfatı istehsal vasitələrinin satın alınması, torpaqların aqrokimyəvi analizinin aparılması, çoxillik əkmələrdə müasir suvarma sistemlərinin və dirəklərin alınması, habelə qurulması üçün istifadə olunur.
Sual: Təkrar əkin hansı bitkilərdən ibarət olmalıdır? Cavab: Günəbaxan, qarğıdalı, soya, darı, sorqo, çəltik, kartof bitkilərindən biri və ya bir neçəsi əkilərsə fermer təkrar əkin subsidiyası almaq üçün müraciət edə bilər.
Sual: Təkrar əkin subsidiyasını almaq üçün əsas əkini bəyan etməliyəmmi? Cavab: Bəli, fermerin bu il ilk əkin aparması barədə bəyanı da mütləq şəkildə EKTİS-də olmalıdır. Əks halda fermer təkrar əkinə görə subsidiya əldə edə bilməyəcək.
Sual: Təkrar əkin subsidiyasını almaq üçün əsas əkini bəyan etməliyəmmi?
Cavab: Bəli, fermerin bu il ilk əkin aparması barədə bəyanı da mütləq şəkildə EKTİS-də olmalıdır. Əks halda fermer təkrar əkinə görə subsidiya əldə edə bilməyəcək.
