1. Xidmətin adı
|
Arı subsidiyası
|
2. Xidmətin məzmunu
|
Hər arı ailəsinə (pətəyə) görə subsidiyanın verilməsi.
|
3. Xidməti həyata keçirən qurumun və (və ya) struktur bölmənin adı
|
Azərbaycan Respublikası Kənd Təsərrüfatı Nazirliyi yanında Aqrar Kredit və İnkişaf Agentliyi (bundan sonra - AKİA), Azərbaycan Respublikasının Kənd Təsərrüfatı Nazirliyi Dövlət Aqrar İnkişaf Mərkəzləri (bundan sonra - DAİM).
|
4. Xidmətin icrasında iştirak edən digər qurum və ya struktur bölmənin adı
|
"ASAN xidmət" mərkəzlərində Azərbaycan Respublikasının Kənd Təsərrüfatı Nazirliyinin nümayəndələri, kiçik və orta biznes (bundan sonra - KOB) evlərində KOB dostu.
|
5. Xidmətin hüquqi əsası
|
• Azərbaycan Respublikası Prezidentinin 2019-cu il 27 iyun tarixli 759 nömrəli Fərmanı ilə təsdiq edilmiş "Kənd təsərrüfatı məhsulları istehsalının subsidiyalaşdırılması Qaydası"nın
(bundan sonra - Qayda) 1.2.13-ci yarımbəndi və 4.2-ci bəndi
• Azərbaycan Respublikası Nazirlər Kabinetinin 2009-cu il 5 avqust 116 nömrəli Qərarı ilə təsdiq edilmiş “Arıçılıq təsərrüfatlarının uçotu Qaydası”
|
6. Xidmətin həyata keçirilmə formaları
|
• Elektron müraciət və nəticənin elektron təqdim edilməsi;
• Xidmət yerinə gəlməklə müraciət və nəticənin elektron təqdim olunması.
|
7. Xidmətin həyata keçirilməsi və nəticəsi proseduru barədə məlumatlandırma forması
|
• E-poçt vasitəsilə məlumatlandırma;
• Şəxsi kabinet vasitəsilə məlumatlandırma;
• SMS vasitəsilə məlumatlandırma.
|
8. Xidmətin həyata keçirilməsinin nəticəsi
|
Subsidiyanın verilməsi.
|
9. Xidmət istifadəçisi barədə məlumat
|
Fiziki və hüquqi şəxslər (fermer)
Qeyd: Fermer - kənd təsərrüfatı məhsullarının istehsalçısı olan, FİN/VÖEN nömrəsi və öz adına olan mobil nömrə əsasında “Elektron kənd təsərrüfatı” informasiya sistemində (bundan sonra - EKTİS) qeydiyyatdan keçən şəxsdir.
|
10. Xidmətin həyata keçirilməsi müddəti
|
Müraciət DAİM tərəfindən təsdiq edildikdən sonra 15 iş günü ərzində.
|
11. Xidmətin həyata keçirilməsi üçün müraciətlərin qəbulunun vaxtı və müddəti
|
Elektron qaydada müraciətlər real vaxt rejimində qəbul olunur
|
12.Xidmətin göstərilmə yeri
|
EKTİS (elektron mühitdə), DAİM, "ASAN xidmət" mərkəzləri və ya KOB-un inzibati binalarında.
|
13.Xidmətin həyata keçirilməsinin dayandırılması və ya ondan imtina edilməsinin hüquqi əsasları
|
Qaydanın 2.10-cu bəndi, 4.4.3-cü, 5.3.2-ci və 5.3.3-cü yarımbəndlərinə əsasən subsidiyanın verilməsindən aşağıdakı hallarda imtina edilir:
• fermer EKTİS-də qeydiyyatdan keçmədikdə;
• bəyan edilmiş arı ailələrinin sayına görə hesablanan məbləğ monitorinq nəticəsində müəyyənləşdirilmiş məbləğdən 10-30 faiz çox olduqda cari il ərzində;
• bəyan edilmiş arı ailələrinin sayına görə hesablanan məbləğ monitorinq nəticəsində müəyyənləşdirilmiş məbləğdən 30 faiz çox olduqda isə cari il və sonrakı il ərzində;
• tələb olunan məlumatlar düzgün və ya vaxtında təqdim edilmədikdə.
|
14. Xidmətin həyata keçirilməsi üçün tələb olunan sənədlər və onların təqdimedilmə forması
|
Elektron bəyənnamə (müraciət).
|
15. Xidmətin həyata keçirilməsi üçün doldurulması tələb olunan müvafiq sənədlərin (ərizə, blank və s.) nümunələri
|
Ərizə və sənədlər EKTİS-də avtomatlaşdırılmış qaydada formalaşır və elektron kabinet vasitəsilə fermerə təqdim olunur.
|
16. Xidmətin ödənişli və ödənişsiz əsaslarla həyata keçirilməsi, ödənişli xidmətin məbləği, hüquqi əsası və ödənilmə üsulları
|
Ödənişsiz
|
17. Xidmətin həyata keçirilməsi üçün inzibati prosedurlar
|
Addım 1. Fermer - arıçı sahib olduğu arı ailələrinin (pətəklərinin) uçotunu həyata keçirir, öz hesabına hər pətəyə lövhənin vurulmasını təmin edir.
Qeyd 1. Fermer - arıçı həvəskar və ya peşəkar arıçı olaraq müvafiq baytarlıq - sanitariya pasportuna sahib olan şəxsdir.
Addım 2. Fermer məlumatları (arıxananın adı, ünvanı, pətək sayı, qeydiyyat lövhəsinin alınıb alınmadığı, identifikasiya nömrəsi) EKTİS-ə daxil etməklə pətəklərin qeydiyyatını həyata keçirir.
Addım 3. Fermer hər il aprelin 30-dək həmin ailələrin mövcud vəziyyəti barədə məlumatları EKTİS-də yeniləyir, məhv olan və ya yeni yaranan pətəklər barədə informasiya verir.
Addım 4. EKTİS hər il mayın 15-dək mövcud arı ailələrinin (pətəklərinin) sayına əsasən subsidiya müraciətini (elektron bəyannamə) avtomatik qaydada formalaşdırır və fermerin şəxsi kabinetinə göndərir.
Arı subsidiyasının hesablanması = pətək sayı × 10 manat
Addım 5. Fermer hər il mayın 25-dək kabinetində formalaşan subsidiyaya müraciəti təsdiq edir.
Addım 6. AKİA hər il 25 may - 30 may arası 5 gün müddətində təsdiqlənən müraciətlərdən yerində müşahidə ilə monitorinq ediləcəkləri seçmə üsulu ilə müəyyən edir.
Addım 7. DAİM tərəfindən yerində müşahidə ilə seçilənlərin monitorinqi həyata keçirilir.
Addım 8. Monitorinq nəticəsində fermerin bəyannaməsində göstəriləndən fərqli hallar müəyyən edildikdə, fermer bununla əlaqədar EKTİS vasitəsilə bildiriş göndərilir və subsidiya məbləği azaldılır. Bildiriş təqdim edildikdən sonra fermer 15 gün müddətində bildiriş etmədikdə, ona münasibətdə, müvafiq olaraq Qaydanın 5.3-cü bəndinin tələbləri tətbiq edilir. Bildirişə etiraz fermerin iştirakı ilə DAİM-in mütəxəssisi tərəfindən yerində müşahidə aparılmaqla qiymətləndirilir, nəticə aktlaşdırılaraq EKTİS-ə daxil edilir.
Addım 9. Müraciətlər DAİM tərəfindən təsdiq edildikdən sonra AKİA 15 iş günü müddətində subsidiya ödənişini həyata keçirir.
Qeyd 2. Arıçılıqla məşğul olan fermerlərə saxladıqları hər arı ailələsinə görə hər təqvim ilində 10 manat məbləğində subsidiya hesablanır və 2023-cü ilədək verilir.
Qeyd 3. Fermerin cari ildə istifadə etdiyi subsidiyanın məbləği monitorinq əsasında Qaydanın 5.3-cü bəndinə uyğun olaraq müəyyən müəyyən edilmiş məbləğdən artıq olarsa, həmin vəsaiti fermer AKİA-ya geri qaytarır. Bu vəsait geri qaytarılmadıqda, növbəti illərdə ödəniləcək subsidiyaların məbləği həmin vəsaitin məbləği qədər azaldılır.
|
18. Xidmətdən istifadə zamanı yaranan mübahisələrin məhkəməyəqədər (məhkəmədənkənar) həlli imkanları barəda məlumatlar
|
Ərizəçi göstərilən xidmətlə bağlı onu razı salmayan istənilən məsələ barədə inzibati qaydada DAİM-ə, DAİM-in qərarlarından AKİA-ya şikayət verə bilər. Şikayət kağız üzərində və ya EKTİS vasitəsilə tərtib oluna bilər. İnzibati şikayətin forması "İnzibati icraat haqqında" Azərbaycan Respublikasinın Qanununun 74-cü maddəsinə uyğun olmalıdır və şikayətə "İnzibati icraat haqqında" Azərbaycan Respublikasının Qanununun 78-ci maddəsinin tələblərinə uyğun olaraq 1 ay müddətinə baxılır
|
19. Xidmətin həyata keçirilməsində istifadə edilən informasiya sistemi və ehtiyatları
|
EKTİS
|
20. Xidmətin elektronlaşma səviyyəsi
|
Elektronlaşdırılıb
|
21. Elektron xidmətin avtomatlaşdırılma səviyyəsi
|
Qismən avtomatlaşdırılıb
|
22. Xidmətdə dəyişikliklər edilməsinin və xidmətin ləğv olunmasının hüquqi əsası və tarixi
|
-
|
